Newsletter educa.ch - distribuziun 12/2011
Bellas festas!
23. Decembre 2011 / Publicaziun
L'onn va plaunsieu a fin. Igl è temp da far in paus e trair bilantscha. Bellas festas da Nadal ed in 2012 plain success e plaschairs As giavischa las collavuraturas ed ils collavuraturs redacziunals d'educa, il Server svizzer da la furmaziun.
Publicaziun dals resultats chantunals da PISA 2009
9. Decembre 2011 / Monitoring
Ultra dals resultats naziunals dal studi da PISA 2009 èn disponibels uss er ils resultats chantunals. Ins ha constatà ina sminuziun dals scolars svizzers cun ina deblezza da leger ed in meglierament da las prestaziuns dals scolars cun experientschas da migraziun.
Evaluaziun «Rumantsch grischun en scola»
3. November 2011 / Politica da furmaziun / Perscrutaziun da furmaziun / Publicaziun
L’evaluaziun dal studi «Rumantsch grischun en scola» è cumparida. Ils auturs vegnan a la conclusiun: «Naginas da nossas analisas fatgas en il rom da l’incumbensa d’evaluaziun na mussan cler e net ch’in tip da scola fiss en general meglier che l’auter.» Il studi po vegnir consultà en l’internet.
Il Plan d'instrucziun 21 è sin buna via
21. November 2011 / Politica da furmaziun
L'assamblea plenara da la CDEP ha deliberà la structura generala dal Plan d'instrucziun 21. Ussa vegnan cumpigliads ulteriurs spezialists en la planisaziun detagliada. Quintà èsi che la CDEP surdettia il 2014 il Plan als chantuns. Quels decidan alura individualmain davart l'introducziun.
Nova purschida d’internet rumantscha
10. November 2011 / Publicaziun / Rumantsch
L’Uffizi federal da statistica ha ina nova purschida d’internet rumantscha, nua ch’èn disponiblas las pli impurtantas infurmaziuns statisticas en rumantsch. Plinavant stattan a disposiziun ulteriuras publicaziuns rumantschas e las colliaziuns correspundentas.
Cussegl grond: gea a retorumantsch
14. Decembre 2011 / Politica da furmaziun
Il parlament grischun ha decis ch'il Chantun stoppia edir meds d'instrucziun en rumantsch grischun ed en ils idioms. Plinavant ha il Cussegl grond era decis che uffants ch'èn vegnids alfabetisads en rumantsch grischun vegnan instruids en rumantsch grischun enfin la fin da la scola obligatorica.
Il SPICK dal november è qua
11. November 2011 / Resursa didactica / Publicaziun / Rumantsch
Cun il segund numer dal SPICK pudais Vus far cun Ludi Lustg e Vic Vanel in viadi tras la Via da latg e schizunt surpassar ses cunfins. Plinavant pudais Vus tranter auter er emprender d’enconuscher ils makis-cobold. Il SPICK vegn edì en total almain indesch giadas. I dat er abunaments da classa.
Top Pop Rumantsch
29. October 2011 / Resursa didactica / Rumantsch
Il 26. Top Pop Rumantsch cun Benedetto Vigne e Paulin Nuotclà e la chanzun "Trubadur" e qua. Ils chantaturs festiveschan omadus quest onn lur 60avel anniversari. La chanzun fa finas allusiuns a gronds classichers sco "Lola" dals Kinks u "Good Vibrations" dals Beach Boys.
Ina community online d’emprender linguas
1. Decembre 2011 / Pagina pedagogica
busuu.com – quai è la community per emprender linguas. Ella dumbra passa tschintg milliuns utilisaders ed ha gudagnà il premi per «Best Education, Recruitment, Media Start-up». Ins po acceder gratuitamain a curs online audiovisuals e communitgar cun autras persunas che emprendan la lingua.
In label per musica contemporana rumantscha
24. November 2011 / Rumantsch
R-tunes è l'emprim label professiunal per musica contemporana dad artists rumantschs. R-tunes s'engascha oravant tut per la musica rumantscha moderna, n'è però betg fixà sin quella u sin in genre. Dal pop fin al punk, da la world music e las chanzuns tradiziunalas fin al west coast hiphop.
