Newsletter 8/2010

Newsletter educa.ch - distribuziun 8/2010

Il Server svizzer da la furmaziun - educa.ch

Newsletter da mintga dus mais tar la furmaziun e divers temas da la Rumantschia

1. Scuverta - 4. classa

Il med da lingua per la 4. classa è qua! El cumpiglia in cudesch, carnets da lavur, commentaris, in disc cumpact e models d'art. La magistraglia rumantscha dastga sa legrar d'in med uschè interessant, bel, didactisà, modern e funcziunal.

http://www.educa.ch/dyn/217640.asp

1. Word, Excel, Outlook en rumantsch

Ins po telechargiar la surfatscha d'utilisader rumantscha per Word, Excel, Outlook e PowerPoint da Microsoft Office 2003 ed uss er per l'Office 2007. L'element il pli impurtant è il program da correctura. Uschia emprend'ins rg scrivend texts e mails.

http://www.educa.ch/dyn/217960.asp

1. Ina chasa editura per la Rumantschia

La Chasa Editura Rumantscha porscha servetschs d'ediziun professiunals cun la finamira da render pli vesaivla la pitschna, ma viscla scena da litteratura rumantscha. Tut tenor ils manuscrits inoltrads vegn edì publicaziuns en ils idioms ed en rg.

http://www.chasaeditura.ch/

1. La passiun da Jesus

"Jerusalem avant 2000 onns" è il quart tom d'ina seria da cudeschs illustrads davart la vita dal temp da Jesus. Gia cumparids èn las ediziuns "Betlehem avant 2000 onns" (2007), "Nazaret avant 2000 onns" (2008) e "Cafarnaum avant 2000 onns" (2009).

http://www.lmv.gr.ch/shop/ro/detail.cfm?ID=12.2514

1. Columna Ludmilla Cahenzli

Dapi onns legia Ludmilla Cahenzli La Quotidiana e sa grittentescha che nagin scriva dals vairs problems. Perquai ha ella decidì da sezza dir tge che marscha. chatta.ch ha rimnà ils texts che cumparan da temp en temp en La Quotidiana.

http://www.chatta.ch/index.php?id=185&hiid=26&Sposition=0

1. Fonoteca Naziunala Svizra

La Fonoteca naziunala è l'archiv sonor da la Svizra. Ella collecziunescha e renda accessibels tut ils portatuns che han in liom cun l'istorgia e la cultura da noss pajais. Tranter ils stgazis tgirads sa chattan er vegls portatuns ord la Rumantschia.

http://www.chatta.ch/index.php?id=185&hiid=242&Sposition=0

1. Premi Term Bel

La data d'inoltraziun per la concurrenza Premi Term Bel è il davos d'avust 2010. La concurrenza sa drizza a scripturas e scripturs versads sco er a persunas che han pir gist scuvert il plaschair ed il dun da scriver. Il premi è dotà cun 4000.-.

http://www.litteraturarumantscha.ch/index.php?page=premi-term-bel-2010

1. Museum regiunal Surselva a Glion

Il Museum regiunal porscha quatter lavuratoris per classas e gruppas. I vegn intermedià savida istorica sin ina moda fitg interessanta. Tar quels lavuratoris è bler lubì ed il plaschair d'experimentar stat sper las infurmaziuns en il center.

http://www.museumregiunal.ch/Ils-luvratoris-d-eveniment.95.0.html?&L=2

1. Experiment da Milgram fa pensar

L'experiment da Milgram è in experiment psicologic ch'è vegnì manà tras 1961. Il psicolog Stanley Milgram al ha sviluppà per examinar, sche persunas obedeschan ad in'autoritad, malgrà che las instrucziuns cuntrafan dal tuttafatg a lur conscienza.

http://rm.wikipedia.org/wiki/Experiment_da_Milgram

1. Pertge n'ha la Svizra nagin retg?

Pajais ch'han in retg u ina regina numn'ins "monarchias". La monarchia è ina furma da stadi. Pertge che auters pajais han ina famiglia roiala e tge che quella fa pudais vus leger tar Simsalabim.

http://www.simsalabim.rtr.ch

Il newsletter cumpara mintga dus mais ed è gratuit.

Abunar/desdir newsletter

http://news.educa.ch/rm/abunament-newsletter-furmaziun

News educa online

http://news.educa.ch/rm

Redacziun newsletter educa.ch

Yvonne Gienal

y.gienal(at)educa.ch

http://www.educa.ch