Newsletter 7+8/2009

Newsletter educa.ch - distribuziun 7+8/2009

Il Server svizzer da la furmaziun - educa.ch

Newsletter da mintga dus mais tar la furmaziun e divers temas da la Rumantschia

1. Dieta "games ed emprender?"

I dat anc plazs libers per la dieta annuala dal Center svizzer da tecnologias d'infurmaziun en l'instrucziun (CTII) che ha lieu ils 28 d'avust a l'Universitad da Berna. Il tema è "Game based learning" en scolas .

http://www.fachtagung.sfib.ch

1. Swiss Nano-Cube cun educanet2

Sut il titel "Swiss Nano-Cube" vegn realisà ina plattafurma d'emprender e d'instruir per las tecnologias da micro e nano per fin 2011. La plattafurma è integrada en educanet2 e sa deditgescha a las scolas autas, professiunalas e medias .

http://www.ehb-schweiz.ch/de/aktuell/mitteilungen/Seiten/SwissNano-Cube.aspx

1. Alerts - per la 3. classa

Il nov med da lingua "Alerts" è qua! El cumpiglia in cudesch per scolaras e per scolars, carnets da lavur, commentaris per las persunas d'instrucziun ed in disc cumpact. Il med vala sco ina gronda novaziun sin il champ da meds d'instrucziun.

http://chatta.rumantsch-grischun.ch/index.php?id=185&hiid=1124&Sposition=0

1. Firefox rumantsch

En l'internet pon ins navigar da nov era en rumantsch. L'interfatscha d'utilisader rumantscha stat a disposiziun cun la nova versiun dal "browser" d'internet "Mozilla Firefox". Translatà han Gion-Andri e Martin Cantieni da Sagogn. Telechargiar!

http://rm.www.mozilla.com/rm/

1. Minisguard - il magazin d'infurmaziun

Il Minisguard - il magaziun d'infurmaziun per uffants durant la stad - è da vesair mintga dumengia a las 17:20 sin SF 1. L'emissiun pon ins era guardar sin la pagina da web da Simsalabim u telechargiar sco podcast. Ils temas èn fitg divers.

http://www.simsalabim.rtr.ch/

1. Pauli grond / Pauli pitschen

Il nov cudesch da la Lia rumantscha è adattà per la scolina ed il stgalim bass. Pauli, il cunigl pensa ina giada ch'el saja memia pitschen in'autra giada ch'el saja memia grond. Ma Pauli emprenda ch'el è gist endretg uschia sco ch'el è.

http://chatta.rumantsch-grischun.ch/index.php?id=185&hiid=1110&Sposition=0

1. Uniuns da giuventetgna

La Giuru - la Giuventetgna Rumantscha ha rimnà las adressas da contact da tut las uniuns da giuventetgna rumantschas. Tschertas uniuns han schizunt in'atgna pagina da web, autras funcziunan be cun mail. Ins po era agiuntar uniuns da giuventetgna.

http://www.giuru.ch/uniuns-da-giuventetgna.php

1. Tras la tschungla

Suenter bandunar il hotel Mamma arrivan ins directamain en la tschungla. La tschungla dad assicuranzas, cassas da malsauns, contracts, e premias... Battaporta dat in curta survista e ta gida da chattar la dretga via, resp. la dretga assicuranza.

http://www.battaporta.rtr.ch/Tras-la-tschungla-da-las-assic.1678.0.html

1. Istorgias d'aventura

Gist cura ch'ins spetga il pli pauc capitan las chaussas las pli interessantas. La nova ediziun da l'Uniun Rumantsch Grischun sa numna "Istorgias d'aventura". Il cudesch per il stgalim bass pon ins retrair tar la Lia Rumantscha per fr. 12.00.

1. Istorgia da la filosofia

I dat problems ch'ins na po betg schliar cun agid da las scienzas "normalas". Per exempel las dumondas tge che saja "bun" u "nausch" u tge che saja il "senn da la vita". Vichipedia dat ina survista da l'istorgia da la filosofia.

http://rm.wikipedia.org/wiki/Filosofia

Il newsletter cumpara mintga dus mais ed è gratuit.

Abunar/desdir newsletter

http://news.educa.ch/rm/abunament-newsletter-furmaziun

News educa online

http://news.educa.ch/rm

Redacziun newsletter educa.ch

Yvonne Gienal

y.gienal@educa.ch

http://www.educa.ch