Newsletter 2/2009
Newsletter educa.ch - distribuziun 2/2009
Il Server svizzer da la furmaziun - educa.ch
Newsletter da mintga dus mais tar la furmaziun
- Istorgias auditivas
Tadlar istorgias online e sfunsar en in auter mund. Il mund da las strias e da drags, da princessas e dad uffants eroics. Las istorgias auditivas online da Simsalabim èn adattadas per il stgalim bass ed il stgalim mesaun.
http://www.simsalabim.rtr.ch/Istorgias.296.0.html
- 90 onns Lia Rumantscha
Il 2009 festivescha la Lia Rumantscha (LR) ses 90avel onn d'existenza. 50 occurrenzas da tut gener duain avair lieu durant in onn. Betg la LR mabain la lingua e cultura rumantscha stattan en il center da las activitads da giubileum.
http://www.liarumantscha.ch/64.0.html
- Paraula
Il center didactic porscha adina puspè novs fegls da lavur e texts da tut gener per ils differents stgalims. Da nov chatt'ins ina bella paraula d'ina princessa che na vul betg pli esser ina princessa (text original da Cornelia Funke).
http://www.educa.ch/dyn/112869.asp
- Lectura per la 5avla e 6avla classa
Qua chattan ins blers texts da tut gener per las classas primaras (5 e 6avla). Ils texts da basa èn scrits en rumantsch sursilvan. Ins chatta fegls da lavur e commentaris didactics. Era ideal per il stgalim superiur.
http://www.lectura56.ch/
- Famiglia e lavur
Pudair cumbinar la vita da famiglia e la lavur na pertutga betg mo las dunnas. Quest tema occupa l'entira famiglia ed è ina sfida per l'entira societad. In film da Susanna Fanzun en collavuraziun cun il post da stab per l'egualitad.
http://www.educa.ch/dyn/141873.asp
- Violenza en scola
educa.ch ha elavurà quest dossier davart la violenza en scola en collavuraziun cun il Servetsch da giuventetgna da la polizia chantunala dal chantun da Turitg. La mira è da sa gidar cun la magistraglia a prevegnir la violenza en scola.
http://www.educa.ch/dyn/195061.asp
- Gieu da l'ambient "triCO2lor"
Il gieu da strategia "triCO2lor" cumbinescha las decisiuns d'energia cun las consequenzas dal stgaudament dal clima. En scola pon ins duvrar quest gieu tar il tema svilup durabel. UNESCO Svizra ha premià il gieu sco gieu da l'onn 2008.
http://www.trico2lor.ch/index.php
- SF mySchool: dossier "jau"
Co che perscrutaders tschertgan il "jau", co ch'el sa sviluppa, tge problems che umans pon avair cun sasez, tgi che po gidar e daco ch'ins è co ch'ins è: il dossier "jau" sa deditgescha a questas dumondas - cun material d'instrucziun.
http://www.sf.tv/sf1/myschool/detailinfo.php?docid=3299
- Curs SAPGR
Ils novs curs da la scol'auta da pedagogia pussibiliteschan d'augmentar las cumpetenzas persunalas. Ins chatta curs da linguatg, da computer, da didactica, curs da sport e d 'art. Per tut ils stgalims datti blers curs da l'emna u era curs da stad.
http://www.phgr.ch/Weiterbildungskurse.131.0.html?&L=2
- Giuventetgna svizra filmescha
Sut il moto "Giuventetgna svizra filmescha" ha SF1 lantschà ina concurrenza per giuvenils tranter 7 e 17 onn. Il pensum è da filmar animals selvadis. Las meglras registraziuns vegnan emessas en l'emissiun "Netz Natur". Termin è l'emprim da matg.
http://www.sf.tv/sf1/netznatur/manualx.php?docid=filmprojekt&catid=netznaturmanualx
Il newsletter cumpara mintga dus mais ed è gratuit.
Abunar/desdir newsletter
http://news.educa.ch/rm/abunament-newsletter-furmaziun
News educa online
http://news.educa.ch/rm
Redacziun newsletter educa.ch
Yvonne Gienal
y.gienal@educa.ch
http://www.educa.ch
