Newsletter 12/2009

Newsletter educa.ch - distribuziun 12/2009

Il Server svizzer da la furmaziun - educa.ch

Newsletter da mintga dus mais tar la furmaziun e divers temas da la Rumantschia

1. Bellas festas da Nadal ed in bun nov onn

Il team dal Server svizzer d'educaziun e furmaziun giavischa a tuttas visitadras ed a tuts visitaders sco era a tut noss interessents bellas e calmas festas da Nadal ed in onn vegnint fortunà. Nus ans vesain puspè tar educa.ch l'onn 2010!

1. Emprender rumantsch cun l'iPhone

Tgi n'enconuscha betg quai: Blers din, ch'els vulan emprender Rumantsch. Ils curs da rumantsch en Surselva, Engiadina ni giu la Bassa èn dentant cumplettamain occupads. Ma uss datti in'autra pussaivladad d'emprender la lingua: cun l'iPhone.

http://www.battaporta.rtr.ch/iPhone-uTalk-Rumantsch.1978.0.html

1. Primavaira: Dieta dad educanet²

La dieta usitada dad educanet² ha lieu primavaira proxima ils 19 da matg 2010 a Berna. Per avair in'interessanta reuniun tschertgan ils responsabels per quest di anc referendaris che vulan gugent parter lur ideas cun la community dad educanet² .

http://www.educanet2.ch/ww3ee/28712196.php

1. La pli bella festa cristiana

Egls che traglischan gist uschè cler sco las chandailas al pignol da Nadal e la savur da biscuits. Na be per ils uffants è Nadal ina da las pli impurtantas festas da l'onn. Il nov dossier da chatta.ch cuntegna documents da different gener.

http://www.chatta.ch/index.php?id=185&hiid=1149&Sposition=0

1. Grischun fa part tar educajob.ch!

Danovamain publitgescha il Chantun Grischun tut las plazzas vacantas e las plazzas da remplazzament e substituziun per scolastas e scolasts sin la pagina educajob.ch. Quai è il portal da jobs da tut la magistraglia da l'entira Svizra.

http://www.educajob.ch

1. Per trutgs e pitgognas

Tschertgas ti adina puspè novs puncts da panorama u novas vias ella natira? Tar RTR preschenta mintga venderdi in guid da muntogna buns tips per bellas turas (a pe, skis u gianellas), differents puncts da panorama u ina pacifica spassegiada.

http://www.chatta.ch/index.php?id=185&hiid=1160&Sposition=0

1. Canada games

Ils gieus olimpics tar tai en stiva! La chatscha da records po cumenzar. En otg disciplinas pos ti empruvar da batter il record mundial. Ti pos giugar il gieu senza stuair installar insatge. Ussa dovri mo anc l'atmosfera olimpica. Bun success!

http://canadagames.sfgame.ch/rtr.html

1. Lavur d'uffants ed explotaziun dals paupers

Umans vegnan anc adina surduvrads sco forzas da lavur bunmartgadas. Uschia lavuran dunnas en l'industria da computers per part pliras emnas senza avair liber. Ma er la lavur d'uffants n'è anc betg extirpada. chatta.ch ha mess ensemen in dossier.

http://www.chatta.ch/index.php?id=185&hiid=797&Sposition=20

1. La stria dals dents marschs

Il nov disc "La stria dals dents marschs". è en vendita. La stria Brixa ha dents marschs. Perquai rin ils uffants or ella. Quai vilenta Brixa talmain ch'ella fa ina filistucca. L'istorgia mussa ch'ils uffants ston tgirar lur dents.

1. Lavurar cun whiteboards interactivs

Pli e pli savens vegnan, enstagl da las tavlas nairas, ils whiteboards interactivs (IWB) en acziun. Ensemen cun il post spezialisà fri-tic ha educa rimnà infurmaziuns davart whiteboards interactivs per las metter a disposiziun a las scolas .

http://www.educa.ch/dyn/207439.asp

Il newsletter cumpara mintga dus mais ed è gratuit.

Abunar/desdir newsletter

http://news.educa.ch/rm/abunament-newsletter-furmaziun

News educa online

http://news.educa.ch/rm

Redacziun newsletter educa.ch

Yvonne Gienal

y.gienal@educa.ch

http://www.educa.ch