Newsletter 12/2007

Newsletter educa.ch - distribuziun 12/2007

Il Server svizzer da la furmaziun - educa.ch

Newsletter da mintga dus mais tar la furmaziun

1. Bellas festas

L'onn va plaunsieu a fin. Igl è temp da far in paus e trair bilantscha. Bellas festas da Nadal ed in 2008 plain success e plaschairs As giavischa las collavuraturas ed ils collavuraturs redacziunals d'educa, il Server svizzer da la furmaziun.

http://www.educa.ch/dyn/bin/186740-186741-1-weihnachtskarte2007_sbs_sfib.pdf

1. TOP POP RUMANTSCH

RTR ha producì in nov disc cumpact cun musica da pop. Las chanzuns vegnan era inseridas en il program quotidian e plazzadas ultra da quai sin la pagina d'internet. L'emprim Top Pop Rumantsch è vegnì lantschà il matg 2005.

http://www.rtr.ch/rtr/radio/top_pop_rumantsch/index.html?siteSect=31013

1. Teater multimedial da giuvenils

Livia, 13, è in teater multimedial da la gruppa Gubcompany per in public giuven. Temas sco mobing e violenza sexuala vegnan tractads. Sco ina giuvna sa defenda cun success, raquintan e giogan trais acturas ed in actur.

http://www.gubcompany.com/

1. Giuventetgna e sexualitad

Susanna Fanzun ha retschavì il premi per schurnalistas da l'Agid svizzer da SIDA. Ella ha fatg in film davart la giuventetgna e la sexualitad. Giuvenils han raquintà da lur experientschas e ditg, co ch'igl è - e betg co ch'ins avess gugent ch'i fiss.

http://www.educa.ch/dyn/141873.asp

1. Alexi e Marcus cun disc cumpact

Alexi e Marcus èn turnads sin la tribuna musicala. Danovamain datti era ils 3 albums ‘ina chanzun', ‘in clom', ed ‘enavant' sco disc cumpact. Ils chantauturs rumantschs han creà bellas chanzuns per nossa cultura rumantscha.

http://www.alexiemarcus.ch/

1. Dissegn stgalim superiur

Divers material da dissegn per il stgalim superiur è da chattar en il center didactic rumantsch online. Il material è vegnì preschentà durant il di da rumantsch sursilvan a Trun.

http://www.educa.ch/dyn/112869.asp

1. Novaziuns tar educanet2

educanet2 preschenta las pli impurtantas novaziuns dal upgrade. Administraziun confortabla, logos da scolas sin tut las paginas, segnalectura intern, funcziuns da tschertgar en Wiki e forum, access al Wiki, glistas da mail etc.

http://www.educanet2.ch/ww3ee/23624452.php

1. Let's go Solar!

Il project da Jugendsolar da Green Peace porscha a las persunas d'instrucziun material d'instrucziun actual. Energia, persistenza e savida solara èn temas da questa purschida. Il material è ideal per il stgalim superiur.

http://www.jugendsolarprojekt.ch/Unser_Angebot.77.0.html

1. NEAT ed autras transversalas

ideesuisse.ch ha mess ensemen in nov dossier da films curts davart la NEAT. Il tunnel da basa Lötschberg è vegnì mess en funcziun ils 9 da december 2007. Uschia vegn el ad esser per ils onns proxims en las Alps la lingia principala da transport.

http://www.ideesuisse.ch/249.0.html?&changeLang=set&L=3

1. Dapi 75 onns datti carnets dad OSL

La OSL è in'instituziun d'util public che na vul betg far gudogn. L'intenziun da procurar per buna lectura e stimular il plaschair da leger tar la giuventetgna è vegnida cuntanschida. La Lia Rumantscha è partenaria da la OSL.

http://www.osl.ch/rm/aktuell.htm

Il newsletter cumpara mintga dus mais ed è gratuit.

Abunar/desdir newsletter

http://news.educa.ch/rm/abunament-newsletter-furmaziun

News educa online

http://news.educa.ch/rm

Redacziun newsletter educa.ch

Yvonne Gienal

y.gienal@educa.ch

http://www.educa.ch