Newsletter 06/2009

Newsletter educa.ch - distribuziun 6/2009

Il Server svizzer da la furmaziun - educa.ch

Newsletter da mintga dus mais tar la furmaziun e divers temas da la Rumantschia

1. PACTE multimedia

La plattafurma d'internet PACTE multimedia da SRG SRR idée suisse accumpogna ils utilisaders tras il mund digital. Rubricas sco tecnologia, divertiments, communicaziun e gieus fan gust sin dapli. Ins chatta material fitg actual e divertent.

http://www.pactemultimedia.ch/?lang=rm#page=weekchoice

1. Collavuraziun

Il project "rumantsch grischun en scola", la collecziun da materialias chattà.ch ed educa.ch vegnan a lavurar pli stretg ensemen. Uschia cuntegna la newsletter d'educa en avegnir regularmain infurmaziuns davart publicaziuns/purschidas en rg.

http://chatta.rumantsch-grischun.ch/

1. 19avel Top Pop Rumantsch

Cun il project TOP POP RUMANTSCH vul RTR promover musica rumantscha moderna ed actuala. Theo Demund è il chantautur dal 19avel Top Pop Rumantsch. La chanzun dal trio Danunder sa numna "adina uss, mai enzacu" ed è in omagi al futur.

http://www.rtr.ch/rtr/index.html?siteSect=31014&sid=10834439&cKey=1245233201000&rParent=31013

1. Silvio Camenisch

Chatta.ch ha mess ensemen ina rimnada da links e datotecas d'audio dal scriptur Silvio Camenisch. Tranter auter ha el scrit divers cudeschs da giuvenils (p.ex. smaladetta primavaira), bleras brevs da lecturs ed ins al auda mintgatant tar RTR.

http://chatta.rumantsch-grischun.ch/index.php?id=185&hiid=762&Sposition=0

1. Grischun en moviment

Cun il program "grischun en moviment" reagescha il chantun Grischun sin il fatg che adina dapli uffants e giuvenils èn memia gross. Tant per ils uffants pitschens sco er en scolina ed en scola vegnan realisads projects da moviment e da nutriment.

http://www.graubuenden-bewegt.ch/sites/content/program.html

1. Dieta da "e²change" - educanet²

Sut il moto "barat" ha lieu ils 26 d'avust a Berna la dieta d'educanet2 da quest onn. Ella sa drizza a tut ils administraturs ed administraturas da scolas e posts spezialisads d'ICT. Il program chattais vus sin la pagina da web .

http://www.educanet2.ch/ww3ee/28712196.php

1. Correspundenza rumantscha

La Banca chantunala porscha in servetsch per tut ils Rumantschs. Ins po retschaiver tut la correspundenza da banca per rumantsch. Ins sto be annunziar quest giavisch online: Gea, jau discur rumantsch! Bleras fatschentas savessan emprender insatge.

https://www.gkb.ch/internet/home.nsf/PageID/Gea+jau+discur+rumantsch

1. Visitar il museum d'art a Cuira

La pedagoga da museum stat a disposiziun per classas da tut ils stgalims. Las occurrenzas (era per rumantsch!) vegnan cumbinadas cun temas da l'instrucziun. En l'atelier pon ins esser creativs. Per classas dal chantun GR è in'occurrenza gratuita.

http://www.buendner-kunstmuseum.ch/rumantsch/klassen.cfm

1. Get-Together

Il project Get-Together s'occupa dal plurilinguissem en Svizra e promova la chapientscha vicendaivla tranter las quatter regiuns linguisticas. L'intenziun è da radunar persunas da tut las quatter regiuns e d'animar la confruntaziun e la discussiun.

http://www.get-together.ch/index.php?id=20&L=3

1. Google Street View

Google n'è betg mo ina maschina da tschertgar ma era ina gronda carta topografica. Google è uss londervi da construir il Google Street View. Quai è ina versiun en trais dimensiuns, nua ch'ins ha il sentiment dad ir a spass per las vias.

http://www.battaporta.rtr.ch/Google-Street-View.1643.0.html?&L=

Il newsletter cumpara mintga dus mais ed è gratuit.

Abunar/desdir newsletter

http://news.educa.ch/rm/abunament-newsletter-furmaziun

News educa online

http://news.educa.ch/rm

Redacziun newsletter educa.ch

Yvonne Gienal

y.gienal@educa.ch

http://www.educa.ch